Статистикийн хорооны мэдээлж буйгаар он гарсаар нийт 18 мянга гаруй эх амаржиж 18952 хүүхэд шинээр мэндэлжээ. Энэ нь өнгөрсөн оныхоос 1200 орчим төрөлтөөр нэмэгдсэн тоо байна. Харин эндсэн хүүхдийн тоо өмнөх оны мөн үеийнхээс зургаан хувиар өссөн аж.

Одоогоор бүртгэлтэй ажилгүй 35 мянган иргэн байгаа бөгөөд өнгөрсөн оноос 14 мянган иргэнээр буурчээ.

Түүнчлэн он гарсаар манай улсад нийт 10 гаруй хүн халдварт өвчнөөр өвчилсөн ба өвчлөлт бага зэрэг буурах хандлагатай байгаа аж. Салхин цэцэг, тэмбүү, гахайн хавдар зэрэг халдварт өвчний дэгдэлт ихссэн хэдий ч вирүст хепатитын өвчлөл харьцангуй багассан байна. Эхний улиралын судалгаагаар 6165 гэмт хэрэг бүртгэгдсэн бөгөөд өнгөрсөн оны мөн үеийнхээс 377 хэргээр илүү байгаа аж. Өмч хөрөнгөтэй холбоотой гэмт хэрэг сүүлийн үед их гарах болсон бөгөөд бусдын амь нас, эрүүл мэндэд халдах тохиолдол ч буурахгүй өсөх хандлагатай байгаа юм байна. Дээрх гэмт хэргийн улмаас 2000 гаруй хүн гэмтэж, 306 хүн нас барсан байна. Харин өнгөрсөн онд гэмт хэргийн улмаас 250 орчим хүн амь насаа алдаж байжээ.