"Ой Тогтоолтын Үндэсний аварга 2013" оюуны спортын III тэмцээний нээлт өнөөдөр боллоо. Монголын Оюун Ухааны Академиас санаачлан зохион байгуулж буй “Ой тогтоолтын үндэсний аварга-2013” оюуны спортын гурав дахь удаагийн тэмцээний эцсийн шалгаруулалт ийнхүү өнөөдөр эхэллээ. “Классик Центр”-т зохиогдох тус тэмцээний сүүлийн шатанд өрсөлдөх бага насны (12 хүртэлх нас) 14, дунд насны (13-17 нас) 9  болон насанд хүрэгчдийн (18-с дээш) ангилалд 15 тамирчин ой тогтоолтын 10 төрлөөр өрсөлдөх юм байна. Энэ удаагийн тэмцээн нь Дэлхийн ой тогтоолтын Оюуны Спортын холбоогоор баталгаажиж ерөнхий шүүгчээр ой тогтоолтын Олон Улсын 2-р түвшний шүүгч Энди ФОНГ ажиллахаас гадна манай тамирчдын гаргасан амжилт дэлхийн чансаанд бичигдэх аж.