УИХ-ын 26-р тойрог буюу Сонгинохайрхан дүүргийн дахин санал хураалт өчигдөр болсон билээ. Тойргийн хорооноос одоогоор санал хураалтын эцсийн байдлаар олон нийтэд зарлаагүй байна. Хэдийгээр эцсийн дүн гараагүй байгаа ч урьдчилсан дүнгээр МАН-аас нэр дэвшигч Д.Сумъяабазар олонхийн авсан гэдгийг тус тойргийн хорооноос өчигдөр мэдэгдсэн юм. Харин өнөөдөр өглөө авсан мэдээллээр 80 хэсгийн хорооноос нэгээс бусдын дүнг нэгтгэсэн тухай хэлж байсан юм.

Тэгвэл 26 дугаар тойргийн хороо 12.00 цагт хуралдаж, санал хураалтын дүнг эцэслэн тогтоол гаргахаар болсон байна. Хурлаас гаргасан тогтоолыг СЕХ-нд мэдүүлэх бөгөөд хурлын дараа сэтгүүлчдэд мэдээлэл хийх ажээ.