Мэдээллийн технологийн хэлтсийн дарга Б.Цогтгэрэлийг өнгөрөгч оны арваннэгдүгээр сард болсон орон нутгийн сонгуулийн үеэр Орхон аймагт нэр дэвшсэн н.Улаанхүүг хүний аминд хүрсэн хэмээн хэвлэл, мэдээллийн хэрэгслээр зарлаж, бусдыг онц хүнд гэмт хэрэгт гүтгэсэн хэрэгт буруутган сэжигтнээр татсан.  Б.Цогтгэрэлийг өнгөрсөн нэгдүгээр сарын 9-нд саатуулан шалгаж байгаад Эрүүл мэндийн шалтгаанаар өнгөрсөн хоёрдугаар сарын 1-нд түүнийг батлан даалтад гаргасан юм. Түүнийг шүүх хурал энэ сарын 2-нд болох байсан ч нэхэмжлэгч хуралд ирээгүй гэх шалтгаанаар хойшлуулсан юм. Тэгвэл Б.Цогтгэрэлийн өнөөдөр Чингэлтэй дүүргийн шүүхэд шүүж, мөнгөн торгууль ногдуулжээ. Шүүх бүрэлдэхүүн хэргийг хэлэлцээд, 20 орчим сая төгрөгөөр торгохоор болсон байна. Шүүх хурлын дараа Б.Цогтгэрэл “Шүүхийн шийдвэрийг эсэргүүцэн, давж заалдах шатны шүүхэд хандана” гэдгээ илэрхийллээ.