Компанийн засаглал, татвар төлөлт, шинээр бий болгосон ажлын байр, ашиг орлогоороо тэргүүлэгч Монголын шилдэг 150 аж ахуй нэгж, байгууллагыг Монголын үндэсний худалдаа аж үйлдвэрийн танхимаас тодруулдаг билээ.
Ингэхдээ Топ 150 аж ахуй нэгжийг шалгаруулахаас гадна топ 5 банк, даатгалын компани, топ 10 банк бус санхүүгийн байгууллага, компанийн нийгмийн хариуцлагыг хэрэгжүүлэгч аж ахуй нэгжийг тус тус нэрлэдэг. Тус арга хэмжээ өчигдөр болж өнгөрлөө. 12 дахь жилдээ зохион байгуулагдсан энэхүү шалгаруулалт нь аж ахуйн нэгж, бизнесийнхний хүсэн хүлээдэг томоохон сорилго, нэр хүнтэй арга хэмжээ болж чадсан юм. Улс орны хөгжилд томоохон хувь нэмэр оруулж буй үндэсний бүтээн байгуулагч ТОП аж ахуйн нэгж, байгууллагуудын бүтэн жилийн үйл ажиллагааг үнэлж дүгнэн, амжилт ололтыг цэгнэдэг энэхүү шалгаруулалтын энэ жилийн онцлог нь ихэнх компани өмнөх жилийнхээ амжилтыг ахиулснаас гадна шинээр олон аж ахуйн нэгж шилдгүүдийн жагсаалтанд орсон байв.