“Ice top” хамтлагийн дуучин Э.Хатанбаатар буюу Хаагий нойр булчихайн хорт хавдарын улмаас гадаадад эмчлүүлэх шаарлагатай болсон. Урлагийнхан Хаагийд туслах зорилгоор дөрвөн удаагийн хандивын тоглолт зохион байгуулсан юм. Гэвч Хаагийгийн эмчилгээний зардал болоод Японы визэнд ороход нэлээдгүй хүндрэл учирсан гэнэ. Тэрбээр энэ тухайгаа их аварга Д.Дагвадоржид уламжилжээ. Их аварга түүний хүсэлтийг найрсагаар хүлээн авсан төдийгүй элэг нэгт дүүдээ халуун сэтгэлээр туслахаар шийдсэн тул өчигдөр Хаагий арлын орныг зорьж, эмчилгээндээ орохоор явсан билээ.  Их аварга Д.Дагвадорж өөрийн твиттер, фэйсбүүк хуудсаараа сэтгэлийн үгээ дайж, бусад бүх хүмүүсийг Хаагийд туслахыг уриалжээ. Тэрээр түүний эмчилгээнд 2000 ам.доллар хандивласан бөгөөд Япон явах визний асуудал болон бусад шаардлагатай бүх зүйлийг зохицуулжээ.