УИХ-ын гишүүн Сангийн сайд асан Д.Хаянхярваа нь Дархан-Уул аймгаас УИХ-ын 19 дүгээр тойрогт нэр дэвшихдээ Монгол Улсын засгийн газраас ахмад настан хөгжлийн бэрхшээлтэй иргэдэд хүний хөгжлийн сангаас нэг сая төгрөгийг гурав хуваан олгож байхад, өөрийн тойрог Дархан-Уул аймаг, Архангай, Дундговь аймгийн иргэдэд албан тушаалаа урвуулан ашиглаж 2012 оны зургаадугаар сард нэг дор 670 мянган төгрөгний санхүүжилтийг шийдвэрлэж өгсөн. Хэрийг ТЕГ-ын Мөрдөн байцаах хэлтэс шалгаж байсан. Тэгвэл  гуравдугаар сарын 28-ны өдөр  Эрүүгийн хуулийн тусгай ангийн 130 дугаар зүйл иргэн сонгуулийн эрхээ эдлэхэд болон сонгуулийн хорооны ажилд саад хийх, 130.-д энэ хэргийг эд хөрөнгө татах байдлаар үйлдсэн байж болзошгүй гэсэн үндэслэлээр шалгуулахаар Мөрдөн байцаах газар харьяалагдаж, эрүү үүссэн байна.