Мөрдөн байцаах газрын дэд дарга,  цагдаагийн дэд хурандаа Д.Отгонжаргал өнөөдөр хэвлэлийнхэнд бусдын санаатай хохироох гэмт хэргийн талаар мэдээлэл өглөө.    Үүнд, "Өнгөрсөн оны арванхоёр дугаар сарын 17-ны өдөр Булган аймгийн Булган сумын хоёрдугаар багт 84 настай Л гэх эмэгтэйн амь насанд халдсан хэргийн мөрдөн байцаалтын ажиллагаа явагдаж байна.

Мөн 2013 оны нэгдүгээр сжарын 04-ны өдөр хэвлэл мэдээллийн хэрэгслээр Монгол Улсын экс ерөнхийлөгч Н.Энхбаярыг алах зорилгоор хордуулсан талаар мэдээлэл бичигдсэнийг эрүүгийн хэрэг үүсгэн шалгаж, гуравдугаар сарын 15-ны өдөр Н.Энхбаярыг алах зорилгоор хордуулсан гэх үндэслэл тогтоогдохгүй байна гэсэн үндэслэлээр хэргийг хэрэгсэхгүй болгох саналтайгаар нийслэлийн прокурорын газар шилжүүлсэн.

Өнгөрсөн оны аравдугаар сарын 22-ны өдөр Баянзүрх дүүргийн нутаг дэвсгэрт иргэн Ч-гийн биерүү бинзен цацаж онц харгисаар амь насанд нь халдсан хэрэг гарсан. Тус хэрэгт сэжиглэгдэж буй Б, С нарт холбогдох хэргийг өнгөрсөн сарын 15-нд яллах дүгнэлт мэдүүлэхээр Нийслэлийн прокурорын газар шилжүүлсэн" гэв.

Түүнчлэн Дархан-Уул аймгийн Дархан сумын 14 дүгээр багт 88 настай Ц гэх эмэгтэйг хохироосон хэрэг гарсан. Энэ хэргийн эзэн холбогдогч нь тогтоогүй байсан ч цагдаагийн албаныхан шалгалтын явцал илрүүлж 32 настай М үйлдсэн болохыг тогтоожээ. Одоогоор мөрдөн байцаах ажиллагаа явагдаж байгаа юм байна.