МоАХ-ны дарга асан Г.Бошигт хоёрдугаар сарын  3-4-нд шилжих шөнө  Чингэлтэй дүүргийн тавдугаар хорооны II байрны 38 тоотод төрсөн хүү Х-г  хүйтэн мэсээр хөнөөсөн хэрэг гарсан.  Энэ хэргийг  УМБГ шалгаж дууссан бөгөөд яллах дүгнэлт үйлдүүлэхээр  прокурорт шилжүүлсэн байна. Хэрвээ Г.Бошигтын  гэм буруутай нь нотлогдвол 15-25 жилийн ял ноогдуулах юм байна.   Мөн өнгөрсөн сарын 20-21-нд шилжих шөнө Дорноговь аймгийн "Өргөн" сумын хоёрдугаар багийн нутагт малчин Ч түүний охин гурван настай О нарыг зэрлэгээр амь насыг нь хохироосон хэргийн эзэн холбогдогчийг тогтоож мөрдөн байцаалтын ажиллааг явуулсан байна. Мөрдөн байцаах ажиллагаа дуусч энэ сарын 10-нд Нийслэлийн прокурорын газар яллах дүгнэлт үйлдэн шилжүүлсэн аж.