Сүхбаатар аймгийн ажилгүй иргэд мөнгө олох маш амархан ажил өрнөж байгаа аж. Энэ нь хог асгаж байгаа хүмүүсийг тандах юм.  Хүмүүс гудамж талбай, гол горхи хаа таарсан газраа л хогоо хаядаг. Тэгвэл энэ байдал цэгцрэх тийшээ хандаж байгаа бололтой. Сүхбаатар аймагт зохиогдож байгаа энэхүү ажлыг сайшаах хүмүүс олон байгаа юм.  Цагдаа хог асгаж буй мэдээллийн дагуу тухайн газарт ирж, хог асгасан хунийг саатуулвал уг мэдээллийг өгсөн хүн 500 мянган төгрөгийн урамшуулал хүртэх юм. Гэхдээ энэ нь мэдээж  хогийн цэгээс бусад газарт хог асгасан хүнийг барьсан тохиолдолд шүү дээ. Хог асгаж буй хүмүүсийн ихэнх нь машинаар хогоо ачаад аймгийн төвөөс гарч явах замдаа хаа хамаагүй газар асгачихдаг гэнэ.  Тиймээс хог асгаж буй хүмүүстэй тэмцэх зорилгоор ийм урамшуулал олгохоор зарлажээ. Хэрэв баригдсан хүн хог асгаснаа хүлээн зөвшөөрөхгүй бол машиныг нь журамлаж байгаа аж. Буруугаа хүлээвэл торгоод, асгасан хогийг нь цэвэрлүүлж, хогийн цэгт хаяуулж байгаа юм байна.