Энэ жилийн "Тэгээн Муза” наадмын шалгаруулалтад нэгэн шинэ төрөл нэмэгдэж орсон нь нэг хүний жүжиг байсан. Дээрх төрөлд шилдэг эмэгтэй гол дүрийн шагналыг хүртсэн жүжигчин Д.Ганцэцэг “Бурханд илгээсэн захидал” жүжгээ энэ сарын 24, 25-нд УДЭТ-ын тайзнаа толилуулахаар болжээ. "Тэгээн Муза”-г шүүхээр ирсэн гадаадын театр суддаачид “Энэ жүжиг Монголын урлагт тэсрэлт хийж чадлаа” хэмээн өндөр үнэлгээ өгсөн юм. Тийм ч учраас жүжигчин Д.Ганцэцэгийн  бичлэгийг авч явах хүсэлтээ тэд илэрхийлсэн байсан. Наадмын шалгаруулалтын үеэр нэг хүний жүжгүүдийг зөвхөн шүүгчдэд зориулан маш шахуу хуваарьтайгаар тоглосон учраас хүмүүст тэр бүр хүрээгүй. Тэгвэл одоо гадаад, дотоодын мэргэжилтнүүдээс магтаалын үг харамгүй сонссон дээрх жүжгийг үзэх эрх хэн бүхэнд нээлттэй боллоо.