Дуучин PSY-ийн шинэ дуу болох Жентлэмэн дууны клипийг өөрийн телевизийн сувгаараа нийтэд үзүүлэх боломжгүй гэсэн шийдвэрийг KBS телевиз  гаргалаа.  Уг клипэнд  нийтийн өмч болсон замын таних тэмдэгийг хөлөөрөө өшиглөн  эвдлэх, бяцхан охидуудтай хөл бөмбөг тоглож байхдаа насанд хүрэгчдэд зориулсан хөдөлгөөн хийх, бага насны хүүхэд залуучуудад буруу үлгэр дууриал үзүүлсэн олон тооны дүрс, хагас шалдан бүсгүйчүүд , согтууруулах ундаа, тамхи гээд  зүйлүүд байгаа бөгөөд үүнийг  Солонгос улсын нүүр царай болсон өдөр тутмын үндэсний телевизээр үзүүлэх боломжгүй учир уг  шийдвэрийг гаргасан аж. Харин SBS телевиз, уг видео клип нь 12 ба түүнээс дээш насныханд  гэсэн тэмдэгтэйгээр телевизийн эфирт цацагдах ба зөвхөн видео  клипэн дээрх  KBS телевизийн шүүмжилж буй хэсгүүдийг хасч, 1 минут 19 секундийн видео болгосон тохиолдолд телевизийнхээ эфирээр цацна гэжээ. Ийн Солонгосын телевизүүд PSY-ийн уран бүтээлийг шүүмжилж эхэллээ.