Өнөөдөр, маргааш Монгол бөхийн өргөөнд СТА Э.Төрмандах бие даасан “Аархал” тоглолтоо хийх гэж байна. Тоглолтонд гавьяат жүжигчин Д.Түвшинтөгс, морины Г.Батбаяр, дуучин Цолмонбаяр, Гансувд  нар оролцох юм. Түүний урын санд 150-иад дуу байдаг аж. Дуучин Э.Төрмандах 2010 онд “Сайхан”, 2012 онд “Борхон зүрхний аав”, 2013 онд “Аархал” цомгоо гаргасан билээ.  2011 онд “Зүүдний шувуу шиг бүсгүй” нэртэй анхны тоглолтоо хийж байсан. Энэхүү тоглолт бол түүний хоёр дахь тоглолт юм.  Одоогоор түүний тоглолтын билет дуусаад нэмэлт суудлыг хүртэл гаргаад байгаа юм байна.