Рио Тинтогийн эзэмшдэг дэлхийн томоохон зэсийн уурхай Кеннекотод хөрсний нуралт үүсэж том осол гарлаа. Манай Оюутолгойн гол хөрөнгө оруулагч Рио Тинто нь салбартаа аюулгүй ажиллагааг хамгийн дээд зэргээр хангасан, бүх ажилтнууд, гэрээт байгууллагууд, зочдыг нэгэн адил осол гэмтэлгүй байх нөхцлийг бүрдүүлж, өдөр бүр гэртээ эрүүл очих боломжийг хангахаар зорьдог гэж ярьдаг. Гэтэл тэдний эзэмшдэг уурхайд ийм хэмжээний хөрсний нуралт болсон байна.

Рио Тинто нь Монгол улсад анх удаа аюулгүй ажиллагаа, байгаль орчны менежментийн талаарх уул уурхайн салбартаа дэлхийд тэргүүлэгч арга замуудыг нэвтрүүлээд байгаа гэж удирдлагууд нь ярьж бичдэг ч хачир дээрээ хамгийн хоцогдсон технологи ашиглаж, аюултай нөхцөлд хүмүүсийг ажиллуулдаг гэж ажиглагчид хэлдэг билээ.