Өмнөх ТУЗ-ийнх нь дуулиан дуусаагүй байхад Төрийн банкны шинэ ТУЗ бас нэгэн ноцтой шийдвэрийг гаргасан гэж эх сурвалж мэдээллээ. Эх сурвалжийн мэдээлж буйгаар бол Төрийн банкны шинэ ТУЗ хуралдаж өөрсддөө 950.000 төгрөгийн цалинг баталсан сурагтай. Хэрэв ТУЗ-ийн гишүүд Засгийн газрын нэгэн бүрэн эрхийн хугацаандажиллана гэж үзвэл нэг хүнд 45.600.000 төгрөг ногдохоор байна. Өмнөхөөсөө дээрдэх юм алга. Өмнөх ТУЗ-ийн гишүүд өөрсддөө 90 сая төгрөгийн мөнгө авсан гэж баахан шуугисан. Тэд хийсэн ажил, цалингаа жаахан өндрөөр тавьсан нь 90 саяд хүрсэн бололтой байдаг. Үүнийгээ ард түмэнд зөвөөр тайлбарлаж чадаагүй.
Харин одоогийн ТУЗ өмнөхөөсөө сургамж авсан уу эсвэл болгоомжилсон уу 45.6 сая төгрөг авахаар төсвөө батлуулсан сураг гарлаа. Удахгүй энэ мэдээлэл нь үнэн, худлаа эсэх талаар өөрсдөө тайлбар хийх учиртай. Төрийн банкны шинэ ТУЗ-ын даргаар Сангийн яамны Төсвийн бодлогын газрын дарга Ж.Ганбат, Засгийн газрын Хэрэг эрхлэх газрын дэд дарга Г.Дэнзэн, Төрийн өмчийн хорооны дэд дарга Ж.Төмөрбаатар, Сангийн яамны Төслийн санхүүжилт, зохицуулалтын газрын дарга Т.Доржханд, Хууль зүйн яамны Бодлогын хэрэгжилтийг зохицуулах газрын дарга О.Алтангэрэл, Сангийн яамны Дотоод аудит хяналт, шинжилгээ, үнэлгээний газрын дарга Б.Батцэцэг, Эдийн засгийн хөгжлийн яамны Хөгжлийн бодлого, стратеги төлөвлөлт, зохицуулалтын газрын дарга Д.Болдбаатар, Хараат бус гишүүн Чимэдийн Сайнбилэг, Мягмарын Дөш нар ажиллахаар болсон юм.
Сэтгэгдэл (7)