Сүүлийн үед тайзнаас нэлээд хөндийрсэн ч  одоогоор уран бүтээлдээ ханцуй шамлан ороод байгаа поп Дуучин Бобог зарим хэвлэлээр эгчмэд бүсгүйчүүдээр ивээн тэтгүүлдэг 40-өөс дээш насныхны бааранд ордог гэх мэтээр бичиж  багагүй шуугиан дэгдээгээд байсан билээ. Тиймээс Бобогоос энэ талаар тодруулсан юм. Тэрэр "Надад ажлын шугамаар харилцаатай байдаг эгч хүмүүс байдаг. Гэхдээ нэг удаа хөдөөнөөс ирсэн эгчийгээ тосож аваад хамтдаа явж байгаад папарицад өртсөн. Харин маргааш нь эгчтэйгээ суучихсан байсан. Ийм л байна. Өнөөдөр залуу хүн бүр найз нөхөдтэйгээ нийлнэ. Бид бүхэн нийлээд аятайхан газар орлоо гэхэд арван жилийн хүүхдүүд эсвэл оюутнууд л байдаг учраас бид нарыг хөгшин гарууд юу вэ гэсэн нүдээр л харна шүү дээ. Тийм л болохоор “Эргэн дурсахуй” гэх мэт газарт орно. Ингээд л “Эргэн дурсахуй”-д орсон л бол эгчмэд бүсгүй сонирхдог болж байгаа юм. Ийм байж болохгүй биз дээ. Бобо гэдэг хүнийг яагаад заавал хүүхэн шуухантай орооцолдуулаад байдаг юм. Надад муу тал байгаа ч сайн тал бас бий шүү дээ. Яагаад сайн талыг нь олж харахыг хичээлгүйгээр муу талын хүн болгоод байдгыг мэдэхгүй юм" гэсэн юм.  Дуучин Бобо саяхан хөдөө орон нутгаар аялан тоглолтоо хийгээд ирсэн. Мөн ӨМӨЗО-д өөрийн бие даасан тоглолтоо хоёр удаа тоглосон. Түүний хувьд “UGS”  хамтлагтай хамтарч хийсэн хоёр  цомгоо гаргаж байсан. Одоогоор түүний бие даасан гурав дахь цомог нь гарахад бараг бэлэн болоод байгаа аж.