Хошин урлагийнхан ч гэсэн драмын жүжиг тоглож чаддаг гэдгийг баталж “Х ТҮЦ” хамтлагийнхан “Хориотой жүжиг”, “Аянгын бороо” бүтээлүүдээ толилуулсан нь амжилтад хүрч, олны таашаалд нийцсэн. Тэгвэл тэд дахин тэсрэлт хийж “Сэрүүн хасын нууц” жүжгээ тайзнаа тавьсаар байгаа. Ирсэн үзэгчид бүрээ аньсага нойтон буцааж байгаа энэхүү жүжигт олон судлаач шүүмжлэгчид ам сайтай байгаа ажээ. Монголын драмын урлагт бас нэгэн дэвшилт авчирсан “Сэрүүн хасын нууц” жүжиг энэ сарын 26,27,28,29-нд гадны зочид төлөөлөгчдийн айлчлалаас болж түр завсарлах юм байна. Харин үзэх хүсэлтэй та бүхэнд касс нээлттэй байх аж.