Энэ жил сургуулиа төгсөж буй сурагчдад зориулан их дээд сургууль, коллежүүдийн нэгдсэн лавлахыг гаргаж байна. Тус сэтгүүл нь Монгол улсын хэмжээнд боловсрол олгож буй улсын болон хувийн 10-н жилийн сургуулийн төгсөх ангийн сурагчдад мэргэжлээ хэрхэн зөв сонгох талаар зөвлөгөө өгсөн мэдээ мэдээлэл багтжээ. "Би ирээдүйтэй оюутан" сэтгүүлийн энэ удаагийн дугаарт нийслэлийн хэмжээнд боловсрол олгож буй, мөн гадаадын их дээд сургууль, коллежүүдэд зуучлал явуулж буй их, дээд сургууль, коллеж, инститүд, агентлагуудын ямар мэргэжлээр, ямар босго оноотойгоор, хэр хугацаанд элсэлт авч байгаа талаарх мэдээ мэдээлэл, мөн анги дүүргэлт нь хэдэн хүүхэдтэй байх, сургуулийн материаллаг бааз, төлбөр нь ямар байх, сургуулийн байршил, холбоо барих утас зэргийг багтаасан байна. Улсын хэмжээнд үйл ажиллагаагаа явуулж буй 90 гаруй сургуулиудын талаарх дэлгэрэнгүй мэдээлэл багтсан  тус сэтгүүл бүх ерөнхий боловсролын сургуулийн төгсөх анийн сурагчдад үнэгүй тараагдах юм байна. Тухайн сэтгүүлд мэдээлэлээ ирүүлж амжаагүй байгаа зарим сургуулиуд сэтгүүлийн редакцийн утас руу хандаж /89004549/ мэдээллээ тавиулж болох юм байна. “Би ирээдүйтэй оюутан” сэтгүүл нь өөрийн гэсэн Facebook хуудастай бөгөөд сургуулиудын талаарх мэдээ, мэдээлэл тус хуудсанд давхар тавигдан онлайн хэлбэрээр залуучуудад давхар хүрэх юм байна.