Байгальд хамгийн ээлгүй улс төрчөөр тодроод байгаа Байгаль орчин, ногоон хөгжлийн яамны сайд С.Оюуныг тойрсон шүүмжлэл их нэмэгдэж байна. Хамгийн сүүлд аргал, угалз агнах зөвшөөрлийг нэг газар бөөнөөр нь өгсөн гэж гадна, дотны хэвлэлүүд баахан шуугисан.

Харин тэрээр одоо болтол хэнд ч зөвшөөрөл өгөөгүй гэж мэдэгдсэн юм. Ийм хэл амнаас болсон уу яасан энэ жил үйлдвэрлэлийн зориулалтаар загас агнах зөвшөөрөл олгохгүй байх шийдвэрийг саяхан гаргажээ.

Ингэснээр сүүлийн жилүүдэд илт хорогдож байгаа загасны өсөлтөд эерэг нөлөө үзүүлнэ гэж энэ яамныхан мэдэгдлээ. Тиймээс үйлдвэрлэлийн зориулалтаар загас агнаж мэргэшсэн хүмүүс энэ жилдээ тайван амгалан амрах нь тодорхой болов.