“Алтан кекс”. Энэ бол дэлхийн хамгийн үнэтэй кекс бөгөөд анх Дубайн алдарт “Bloomsbury” кафед өнгөрсөн долдугаар сарын тавны өдөр танилцуулагдаж байв. Энэ кекс нь 3676 дирхамын /Арабын орнуулын мөнгөн тэмдэгт/ үнэтэй. Найрлаганд нь Италийн шоколад, 23 каратын хүнсэнд хэрэглэдэг алт, органик гүзээлгэнэ болон хүнсэнд хэрэглэдэг алтны нунтаг ихээр оржээ. Энэ үнэтэй кексийг идэхийн тулд үйлчлүүлэгч 48 цагийн өмнө захиалга өгөх ёстой гэнэ.

“27.321” коктейль. 2008 онд Дубай дарвуулт онгоцны хэлбэрт алдарт зочид буудал "Бурж Ал Араб"-ыг танилцуулж байхад дэлхийн хамгийн үнэтэй коктейль ч мөн хэрэглэгчийнхээ өмнө очсон юм. "27.321" хэмээн нэрлэгдсэн коктейль 27.321 дирхамын үнэтэй. Үнэт коктейлийг 55 настай Шотландын Макаллан нэрт тогооч хатаасан жимс, гэр аргаар үйлдвэрлэсэн жимсний чихэр зэргээр хийсэн аж. Амтат коктейль эзэндээ 18 каратын алтан хүрээтэй шилэн хундганд очиж байв. Зочид буудлын коктейлийг 10 онцгой үйчлүүлэгч захиалж уужээ. Гэхдээ Бурж Ал Араб одоо “27.321” коктейлио үйлчилгээнд гаргахаа больсон байна.
“Frrrozen Haute chocolate” дессерт.  Үйлдвэрлэгч нь дэлхийн хамгийн үнэтэйг дессертыг "уруул шүргэх амт, зээлийн карт дээр тогтох амьдрал" хэмээн тодорхойлжээ. “Frrrozen Haute chocolate” дессерт 18713 ам долларын үнэтэй. Үүнийг Нью-Йорк хотын дээд зэрэглэлийн рестарон "Serendipity 3"-аас худалдан авч болно. Амттанд 23 төрлийн кокоа, 23 каратын хүнсний алт 5 гр, болон алтны хандалсан ширхгүүд оржээ. Дэлхийн хамгийн үнэтэй дессерт 18 каратын хүнсний алтан хүрээтэй, бариул нь алмазан  хүрээтэй жүнзэнд савлагдаж үйлчлүүлэгчийн гарт очдог аж. Мөн хар, цагаан, бор өнгийн сонголттой аж.
“Le Burger Extravagant”. Дэлхийн хамгийн үнэтэй бургер Японы үхрийн мах, болцуу мөөгний тос, Номхон далайн давс, амтат бяслаг, шарсан өндөг зэргээс бүтдэг аж. Үйлчлүүлэгчид алтан түрсийн хамт хүрдэг байна. Хамгийн үнэтэй бургер хамгийн үнэтэй бусад амттангуудын дэргэд хямд ч бургерүүдийн дунд 293 ам.доллараар толгой цохино. “Le Burger Extravagant”-ыг Нью-Йорк хотын дээд зэрэглэлийн рестарон "Serendipity 3"-т идэж болно.

Sushi Del Oriente. Японоос гаралтай суши дэлхийн хамгийн үнэтэй хоолонд багтжээ. 23 каратын алтан навчинд боож, бага зэрэг бриллиант дээр нь Африкын 0,2 каратын сувд орсон “Sushi Del Oriente” 2034 ам.долларын үнэтэй. Филиппин улсын Манила хотын Ангелито Аранета тогоочийн амтат бүтээлийг урлагийн бүтээл гэж тодорхойлох нь ч бий.
"Buddha Jumps Over the Wall" шөл. Кармандаа эсвэл картандаа 108 фунттэй бол Лондон хотын "Kai Mayfair" ресторанд дэлхийн хамгийн амттай шөлийг амсаж болно. Буддатай шөл хэмээн нэрлэгдсэн учир нь цагаан хоолтнуудад зориулсан шөл аж. Амтат шөлөнд орсон бүтээгдэхүүнийг аяганы ханан дээгүүр гүйлгэн иддэг бөгөөд таван өдрийн өмнө захиалах ёстой байна.