Өнөөдөр зам тээврийн ослоор нэг иргэн амиа алдсан харамсалтай хэрэг гарсан байна. Тодруулбал, 14.00 цагийн орчимд “Хүчит шонхор” захын хашаан дотор Prius маркийн автомашины жолооч явган зорчигчийг "Starex" маркийн автомашинтай хавсарч мөргөн амь насыг нь хохироожээ.

Жолоочийн мэдэгдэж буйгаар “Хүүхдээ хажуудаа авч явж байтал өвөрлүү нь гарч ирж сандаргасан. Тиймээс хүүхдээ цаашаа түлхэх гэж байгаад ийм хэрэг үйлдчихлээ" гэв. Хэргийг дүүргийн цагдаагийн хэлтэст шалгаж байгаа бөгөөд цаашид жолооч нар хажуудаа бага насны хүүхэдтэй яваа бол хамгаалалтын бүс зүүж явахыг цагдаагийн байгууллагаас анхааруулж байна.