Авлигатай тэмцэх газраас ерөнхий сайд Н.Алтанхуягийг шалгахаар болсон байна. Учир нь, сөрөг хүчнийхэн Авлигатай тэмцэх газарт албан тоот илгээж, Ерөнхий сайдын хууль эөрчсөн уйлдлийг шалгаж  өгөхийг хүсчээ. Тэд буруутгаж байгаа үндэслэлээ төрийн өмчит ‘Эрдэнэс- Тавантолгой" ХК-ийн тендерт ах дүү нараа оролцуулсан, ашиг сонирхлын хуулийг зөрчсөн хэмээн тайлбарлаж, холбогдох баримтуудыг ч хавсаргасан байна. Мөн хуулийн хугацаанд хариугаа ирүүлэхийг шаардсан аж. Энэ талаар АТГ-ын Мөрдөн шалгах хэлтсийн дарга, эрхэлсэн комиссар Э.Амарбатаас тодрууллаа.

-МАН-аас Ерөнхий сайд Н.Алтанхуягийг шалгуулах хүсэлт гаргаж, хуулийн хугацаанд хариугаа өгөхийг шаарджээ.

-Тэгэхээр хэд хоногт хариуг нь өгнө гэсэн үг вэ?

Гэмт хэргийн шинжтэй мэдээ, мэдээлэлд 19 хоногт багтаан хариуг нь өгдөг учиртай. Энэ зарчмаараа л явна.

-Ерөнхий сайдыг буруутгаад байгаа үндэслэлийг харахад гэмт хэргийн шинжтэй гэсэн үг үү?

-Тийм.

-Тэгэхээр эрүүгийн хэрэгт холбогдуулан шалгана гэсэн үг үү?

-Энэ тухай хэлэхэд эрт байна.

МАН-ынхан дээрх хүсэлтээ Хууль зүйн сайд Х.Тэмүүжинд давхар илгээсэн байна.