Тайландын Ерөнхий сайд Йинглак Чинават АОХН-ийн бага хуарлд оролцохоор Монголд айлчилсан билээ. Түүнийг Ерөнхийлөгч Ц.Элбэгдорж, Ерөнхий сайд Н.Алтанхуяг болон бусад төрийн томчууд хүндэтгэн хүлээн авсан. Тэр ч бүү хэл монгол эмэгтэй хүн ойртож ч болохгүй Фортунагийн гэх тодотголтой Төрийн өргөөнд оруулсан.

Харин Монголд ихэд хүндлүүлсэн хатагтай Йинглак Чинаватын асар их хүндлэл үзүүлж буй зураг интернэтэд цацагджээ. Тэрээр Тайландын эзэн хааны эрхэмсэг гүнж Маха Чакри Сириндхорнд бараалхан мөргөж байгаа нь энэ аж.

Эрхэмсэг гүнж Монгол оронд 1992, 2009 онд хоёр удаа айлчилж, Монголын ард түмний сайн танил болсон хүн билээ. Түүнийг 2010 оны 12 дугаар сард Монгол Улсын Ерөнхийлөгчийн зарлигаар “Алтан гадас” одонгоор шагнаж байсан юм. Эрхэмсэг гүнж Маха Чакри Сириндхорн 1992 онд Монголд айлчилж очсоныхоо дараа “Айраг” гэдэг ном бичиж, олон нийтийн хүртээл болгосон нь Монгол орныг Тайландад  сурталчилсан  анх удаагийн томоохон бүтээл болж байв.