Энэ онд хилийн чанадад болох Азийн наадамд Монголын тамирчдын өмсөх хувцасны загварыг шалгаруулах уралдаан зарлажээ. Тодруулбал, МҮОХ-ноос энэ жил болох гурван наадам буюу “Инчеон 2013” Азийн танхимын болон тулааны спортын Наадам, “Наньжин 2013” Азийн өсвөр үеийнхний наадам, “Тяньжин 2013” Зүүн Азийн наадамд Монголын багийн өмсөх хувцасны загварыг зохион бүтээх уралдаан зарлалаа. Монголын баг тамирчдын спортын хувцас гэдэг бол Монгол орны нүүр царай, дэлхийд биднийг сурталчлах гол зүйл билээ.