Удтал сураг алдарсан У.Хүрэлсүхийг Австралид суурьшсан гэж хэсэг шуугисан. Харин түүнийг Бага хуралдаа ирнэ гэж олон гишүүд нь хүлээсэн ч талаар болов. Эх сурвалжийн мэдээлснээр бол тэрээр өөрийн залуустаа үүрэг өгүүлж Б.Бат-Эрдэнэ аваргыг дэмжүүлсэн байдаг. Мэдээж нэг нутгийнх учраас дэмжсэн гэхэд гайхах юмгүй. Гэхдээ л Ө.Энхтүвшинтэй олон жил нэг намын тэргүүнд ажилласанаа бодсон ч, ялалт байгуулах боломжийг нь харсан ч дэмжих л ёстой байсан. Гэвч тэгсэнгүй бололтой. Харин тэрээр өчигдөр орой олон нийтийн цахим сүлжээнд орж ирээд “Их аварга, эрхэм журмын нехертее амжилт хvсье! Нэг ийм зураг байна!” хэмээн их аваргыг түшиж дэвсэн зурагаа оруулав. Дараа нь Б.Бат-Эрдэнэ аваргын зургийг оруулаад “Миний хүндэлдэг сайхан Монгол эр!” гэсэн үгийг үлдээгээд гарч одов. Ийнхүү У.Хүрэлсүх алсаас нутгийн ахынхаа дээлийн захыг мушгиж суух шинэ ажилтай боллоо.