С.Эрдэнэ сайд хувийн бизнесээ яамныхаа вэб сайтаар дамжуулан рекламджээ. Тодруулбал түүний толгойлдог Хүн амын хөгжил, Нийгмийн хамгааллын яамны албан ёсны вэб сайтын нүүрэнд "Гурван тамир сургууль ахмад настан, хүүхдүүдэд автобус хандивлалаа" гэдэг мэдээ дурайтал байна. Хороололд байдаг "Гурван тамир" сургууль нь С.Эрдэнэ сайдынх бөгөөд хувийн бизнесээ улсын яамны мэдээллийн сайтад рекламдаж байна хэмээн шүүмжлэх хүмүүүс ч байна. Тус мэдээ нь С.Эрдэнэ сайд нийгмийн ажилчдын баярын өдөр ахмад ажилтны энгэрт медал зүүж өгч байгаа зурагтай хамт нийтлэгджээ.