Монголын сагсан бөмбөгийн Үндэсний шигшээ баг болон Оюутны шигшээ багуудтай нөхөрсөг тоглолт хийхээр Ардчилсан Солонгосын армийн шигшээ баг манай оронд хүрэлцэн ирээд байна. Эдгээр тоглолтуудыг МСБХ болон МҮСБХ-дууд хамтран зохион байгуулахаар болжээ. Тодруулбал, энэ сарын 16-наас 21-ны хооронд БНСУ-ын Инчеон хотод сагсан бөмбөгийн Зүүн Азийн Аварга Шалгаруулах Тэмцээн болох гэж байгаа. Мөн ирэх долдугаар сард сагсны эрэгтэй, эмэгтэй Оюутны шигшээ баг Зуны 27-р Универсиад Их Наадамд анх удаагаа оролцохоор болсон. Иймээс шигшээ баг тамирчдын бэлтгэлийг эрчимжүүлэх зорилгоор МСБХ-ны урилгаар, БНАСАУ-н Армийн клубын 1-р баг манай улсад өчигдөр иржээ. Тэд манай баг тамирчидтай хэд хэдэн нөхөрсөг тоглолт, бэлтгэл хийх аж.
Мөн үндэсний супер лигийн плэй-оффын тоглолтууд үргэлжлэн явагдаж байгаа. Иймээс шигшээ баг тамирчдын хувьд хэт их ачаалал үүсэх, мөн заал танхим хүрэлцэхгүй байх асуудал үүссэн байна. Иймээс шигшээ баг тамирчдын бэлтгэлийг бүрэн хангах зорилгоор, МҮСБХ болон МСБХ хамтран санаачлага гаргаж, Үндэсний Супер Лигийн тэмцээнийг энэ сарын 22-ныг  хүртэл түр завсарлуулахаар болжээ. Түүнчлэн сагсан бөмбөгийн хоёр холбоо цаашид ч хамтран ажиллаж, нэгдсэн зохион байгуулалт, үйл ажиллагаатай болохоор зорьж байгаа гэнэ.