Хэдхэн хоромын өмнө төрийн ордонд Өвөрхангай аймгийн Хархорин сумын харьяат улсын начин Төмөрбаатарын Санчирт улсын заан цол, Говь-Алтай аймгийн Бигэр сумын харьяат улсын начин Жаргалсайханы Амартүвшинд улсын харцага цолны үнэмлэхийг гардууллаа. Өнгөрсөн оны төрийн наадамд долоо даван их шөвөгт шалгарсан улсын арслан Х.Мөнхбаатараас сэргээш илэрсэн хэмээн үзэж чимгийг хураан, түүнд зургаагийн даваанд унасан Ж.Амартүвшинд харцага, долоогийн даваанд унасан Т.Санчирт заан цолыг ийнхүү олгож байгаа юм байна. Мөн арсланд тавын даваанд унасан Завхан аймгийн Их-Уул сумын харьяат Жадамбаагийн Оргилд өсөх идэр чимэг олгогдож байгаа.