2012 оны 11 дүгээр сарын 25-нд Увс аймгийн Зүүнхангай сумын иргэн Гэрэлт-Од ой дөрвөн сартай хүүгээ үзүүлэхээр Л.Мянганбаяр эмчид хандсан байдаг. Гэтэл хүүгийн аав АН-ыг дэмждэг учраас Л.Мянганбаяр эмч хүүхдийг үзэхээс татгалзаж намын даргадаа үзүүл гэж буцаасан байдаг. Зохих эмчилгээг хожимдуулж хийснээс болж Гэрэлт-Одын нэг нас ой дөрвөн сартай хүү эндсэн гэсэн мэдээллийг хэвлэлээр өгч байсан билээ. Тэгвэл Увс аймгийн Цагдаагийн газраас хэргийг шалгаж үзээд хэргийг хэрэгсэхгүй болгосон байна. Цагдаагийн ажилтнуудын хэлж буйгаар хэвлэлээр цацагдаад байгаа шиг Гэрэлт-Одыг сонгуулийн ажилд оролцсоных нь төлөө эмч нь үзээгүй гэсэн хэрэг тогтоогдоогүй аж. Харин Гэрэлт-Одын хүү сумын эмнэлэгт 10 хоног эмчлүүлж байгаад дунд чихний үрэвсэл гэсэн оноштойгоор нас барсан гэнэ. Тиймээс хэргийг хэрэгсэхгүй болгосон байна.