"Хайр мөнх гэж хий хоосон үг хэмээх нь бий. Гэвч заримдаа хайр үнэхээр мөнхөрч чаддаг"

   "Түүний нүднээс нулимс мэт цус урсаж байсан..." Бангладешийн Дахар хотод болсон үйлдвэрийн дэлбэрэлтийн дараа бие биенээ үхлээс аврах гэж тэмцсэн хоёр хүний цогцос олджээ. Тэдний биеийн доод хэсэг шатсан байсан бөгөөд нурангид дарагдсан байв.

   Бангладешийн зурагчин Taslima Akhter анх тэднийг хараад сэрдхийсэн ч энэ дүр зургийг заавал олон нийтэд үзүүлэх ёстой хэмээн шийджээ. "Тэд ах дүү юу, анд найзууд уу эсвэл амраг хос уу гэдгийг хэн ч мэдэж чадаагүй. Гэхдээ тэд амьд байсан бол бид хямд ажиллах хүч биш, харин жинхэнэ хүмүүс юм шүү гэж хэлэх байсан. Энэ эмгэнэлт дүр төрх намайг шөнө болгон зовоодог ч тэдний нэг нэгнээ гэсэн сэтгэл ямар агуу вэ? Үхэх хүртлээ хамтдаа тэмцсэн нь сэтгэл уярмаар. Гэхдээ дахиад ийм эмгэнэлтэй явдал битгий болоосой" гэжээ.

    Өнгөрсөн дөрөвдүгээр сард Бангладешт нэгэн үйлдвэр дэлбэрэхэд 750 хүн амиа алдсан юм. Тэд олны танил, баян хүмүүс биш тул хэрэг явдал удалгүй мартагдаж эхэлжээ. Харин Taslima Akhter-ийн "Time" сэтгүүлийн шилдэгээр шалгарсан энэ фото тэднийг, хүний амьдрах эрхийг сануулсаар байна.

Б.Баяр