УДЭТ-ын ерөнхий найруулагч Н.Наранбаатар өнөөдөр 17:00 цагт ганцхан удаа “UB Palace”-ын их танхимд “Надаас хөврөх үнэн хайр, цаг хугацаа” тоглолтоо хийнэ. Түүнийг анх “Драмын дөрөв” хамтлагийн Пара гэдгээр үзэгчид илүү таних бөгөөд тэрбээр 2000 онд драмын урлаг бараг үзэгчгүй эзгүйрээд байхад 24-хэн насандаа анх “Бооцоо” жүжгийг найруулан шинэ менежментийг бий болгон босго өндөртэй УДЭТ-т хүч түрэн орж, драмын тулах багана болж ирсэн гэдэг. Түүнээс хойш олон жүжиг найруулан тавьсан тэрбээр хэрхэн чадварлаг найруулагч болохоо таниулж, театрын ахмад үе болон уран бүтээлчид нь “Наранбаатар найруулагчийн араас гарч ирэх чадварлаг залуу найруулагч одоогоор харагдахгүй байна. Тэр хүн олон зүйлийн анхдагч байж чадсан” хэмээн магтаж байсан. Түүний найруулан тайз дэлгэцийн бүтээл болгож үзэгчдийн сэтгэл зүрхэнд хүрсэн уран бүтээлийг нь нэрлэвэл, анх “Бооцоо” жүжгийг найруулж, араас соёлын гавьяат зүтгэлтэн Ш.Гүрбазарын “Надаар тоглосон хайр” жүжгээр үргэлжлэн “Нууц амраг чинь больё”, “Парисын дарь эхийн сүм”, “Би ч гэсэн жаргамаар байна”, “Цэцэрлэгт учирсан хоёр”, “Тэнгэрийн хүү”, “Гамлет” зэрэг түүний найруулсан олон шилдэг жүжгүүдийг нэрлэж болно. Мөн “Үл таних эмэгтэй” дэлгэцийн бүтээл нь үзэгчдийг байлдан дагуулсан. Түүний тайлан тоглолтод УДЭТ-ын уран бүтээлчид бүрэн бүрэлдэхүүнээрээ, төрийн соёрхолт жүжигчин Д.Сосорбарам, “Харанга”-ын Х.Лхагвасүрэн, гавьат жүжигчин Т.Ариунаа, зууны манлай эстрадын дуучин Б.Сарантуяа, гавьяат жүжигчин, дуучин Б.Дашдондог, С.Жавхлан, У.Уранчимэг, “Хар сарнай”-н С.Амармандах, хошин урлагийн “Шинэ үе” продакшн, “Мөрөөдлийн театр”, “Драмын дөрвөл”, ”Увертюра”, “Freezone” хамтлаг, дуучин С.Сэрчмаа, Л.Ган-Эрдэнэ, Ц.Хулан, Маралжингоо, нийтийн дуучдаас Г.Эрдэнэтунгалаг, Д.Намсрайноров, элэглэгч Чапи, Суурь оролцох юм байна.
УДЭТ-ын ерөнхий найруулагч Н.Наранбаатар өнөөдөр 17:00 цагт ганцхан удаа “UB Palace”-ын их танхимд “Надаас хөврөх үнэн хайр, цаг хугацаа” тоглолтоо хийнэ. Түүнийг анх “Драмын дөрөв” хамтлагийн Пара гэдгээр үзэгчид илүү таних бөгөөд тэрбээр 2000 онд драмын урлаг бараг үзэгчгүй эзгүйрээд байхад 24-хэн насандаа анх “Бооцоо” жүжгийг найруулан шинэ менежментийг бий болгон босго өндөртэй УДЭТ-т хүч түрэн орж, драмын тулах багана болж ирсэн гэдэг. Түүнээс хойш олон жүжиг найруулан тавьсан тэрбээр хэрхэн чадварлаг найруулагч болохоо таниулж, театрын ахмад үе болон уран бүтээлчид нь “Наранбаатар найруулагчийн араас гарч ирэх чадварлаг залуу найруулагч одоогоор харагдахгүй байна. Тэр хүн олон зүйлийн анхдагч байж чадсан” хэмээн магтаж байсан. Түүний найруулан тайз дэлгэцийн бүтээл болгож үзэгчдийн сэтгэл зүрхэнд хүрсэн уран бүтээлийг нь нэрлэвэл, анх “Бооцоо” жүжгийг найруулж, араас соёлын гавьяат зүтгэлтэн Ш.Гүрбазарын “Надаар тоглосон хайр” жүжгээр үргэлжлэн “Нууц амраг чинь больё”, “Парисын дарь эхийн сүм”, “Би ч гэсэн жаргамаар байна”, “Цэцэрлэгт учирсан хоёр”, “Тэнгэрийн хүү”, “Гамлет” зэрэг түүний найруулсан олон шилдэг жүжгүүдийг нэрлэж болно. Мөн “Үл таних эмэгтэй” дэлгэцийн бүтээл нь үзэгчдийг байлдан дагуулсан. Түүний тайлан тоглолтод УДЭТ-ын уран бүтээлчид бүрэн бүрэлдэхүүнээрээ, төрийн соёрхолт жүжигчин Д.Сосорбарам, “Харанга”-ын Х.Лхагвасүрэн, гавьат жүжигчин Т.Ариунаа, зууны манлай эстрадын дуучин Б.Сарантуяа, гавьяат жүжигчин, дуучин Б.Дашдондог, С.Жавхлан, У.Уранчимэг, “Хар сарнай”-н С.Амармандах, хошин урлагийн “Шинэ үе” продакшн, “Мөрөөдлийн театр”, “Драмын дөрвөл”, ”Увертюра”, “Freezone” хамтлаг, дуучин С.Сэрчмаа, Л.Ган-Эрдэнэ, Ц.Хулан, Маралжингоо, нийтийн дуучдаас Г.Эрдэнэтунгалаг, Д.Намсрайноров, элэглэгч Чапи, Суурь оролцох юм байна. 
