“Анод” банкыг дампууруулсан хэрэгт буруутгагдан хоёр шатны шүүхээс хоёр жилийн ял сонссон  Иргэний хөдөлгөөний намын дарга, “Анод” банкны ТУЗ-ын дарга асан Н.Даваагийн ээж мөнх бусыг үзүүллээ. Тэрээр анхан шатны шүүхээс ял сонссоноос хойш ШШГЕГ-ын харьяа цагдан хорих 461 дүгээр ангид саатуулагдаж байгаа юм. Саатуулагдсанаасаа хойш ээжтэйгээ уулзаж чадаагүй байхад нь ээж нь ийнхүү нас барсан байна. Ээжийг нь өнөөдөр нутаглуулсан бөгөөд Цагдан хоригдож буй Н.Даваа чөлөөгөөр гарч,  ээжийгээ нутаглуулжээ. Энэ үеэр тэрээр "Хайрт ээж минь би таньтайгаа уулзаж чадсангүй. Хүү нь буруу юм хийгээгүй ээ" хэмээн ээжийгээ эцсийн замд нь үджээ.

Н.Даваа нь хуурамч хувьцаа гарган хувьцаа эзэмшигчдийг хохироосон, “Анод” банкыг дампууруулсан хэрэгт буруутгагдаад байгаа юм.