Өнгөрсөн гуравдугаар сарын 18-нд Сонгинохайрхан дүүргийн шүүхээс онц аюултай гэмт хэрэгтэн хүчингийн хэрэг үйлдсэн хэмээн ялласан  Н.Жигжиддорж давж заалджээ. Тэрээр анхан шатны шүүхийн шийдвэрийг эсэргүүцэн, давж заалдах шатны шүүхэд гомдол гаргасан байна. Уг гомдлыг өнөөдөр Нийслэлийн шүүхийн Эрүүгийн танхимд хэлэлцэнэ. Хуралд хяналтын прокуророор Б.Нарангарав, өмгөөлөгчөөр Н.Одонтуяа, илтгэгч шүүгчээр Т.Өсөхбаяр нар оролцох юм.