Тагнуулын Ерөнхий газраас УИХ-ын гишүүн асан, Монгол Улсаас Кувейт улсад сууж байсан Онц бөгөөд Бүрэн эрхт Элчин сайд К.Сайрааныг шалгаж эхэлжээ. Түүнийг түүнд эх орноосоо урвасан гэх үндэслэлээр Эрүүгийн хуулийн 79 дүгээр зүйлээр эрүүгийн хэрэг үүсгэн шалгаж байгааг албаны эх сурвалж мэдээллээ. Тэрбээр С.Баярыг Ерөнхий сайдаар ажиллаж байх үед зөвлөхөөр нь ажиллаж байсан юм.

   Өнгөрсөн жил today.kzk  сайтад “Казахстаны тагнуулын “Барлау” албаны “В” газрын туршуулуудын талаарх нууц мэдээлэл” гэсэн гарчигтай материал нийтлэгджээ. Уг нийтлэлд Кувейт улсад байгаа Казахстаны тагнуулуудын мэдээллийг нийтэлсэнтэй К.Сайрааных таарч байсан аж. ГХЯ-наас түүнийг мэдүүлэг авахаар дуудсан ч тэрбээр ирээгүй бөгөөд энэ хавар Монголд иржээ. Тэрбээр Кувейтээс Монголд ирснийхээ дараа мэс засалд орохоор батлан даалтаар Герман явжээ.

   К.Сайраан нь мөн Кувейтийн элчин сайдын ажлаа өгөхдөө байраа өгөхөөс татгалзсан гэх мэдээлэл ч байна. Ийнхүү УИХ-ын гишүүн байсан К.Сайрааныг тагнуулын хэргээр шалгаж эхэлжээ.