Монгол Улсын Ерөнхийлөгчийн сонгуулийн сурталчилгаа эхлэх гэж буйтай холбогдуулан СЕ,  Шударга өрсөлдөөн, хэрэглэгчийн төлөө газартай хамтран сонгуулийн сурталчилгаа болон хэвлэл мэдээллийн хэрэгслүүдэд хяналт тавихаар болсон тухай мэдээлэл зарим мэдээллийн сайтуудаар гараад байсан. Мөн фэйсбүүк, твиттер хуудсыг ч хянах тухай мэдээлэл цацагдаад байсан. Тэгвэл дөнгөж сая ШӨХТГ-ын дарга О.Магнай энэ талаар мэдээлэл хийлээ. Тэрээр тайлбарлахдаа "Фэйсбүүк, твиттер нь олон нийтийн мэдээллийн хэрэгсэлд орохгүй. Зүгээр нэг зүйл бус, ардчиллын хэмжүүр болсон цаг үе. “Social network”-ийг хааж, хорих, хянах нь нийгмийн үнэт зүйлтэй харшилна. Фэйсбүүк, твиттер бол хувь хүний микроблог учир олон нийтийн мэдээллийн хэрэгсэл биш” гэлээ.