МУБИС-ийн Утга зохиолын нэгдэл МОХ, “Нийгмийн Ардчилал-Монголын оюутны холбоо хамтран “Янжинлхам 2013" яруу найргийн наадмыг уржигдар зохион байгууллаа. 150 гаруй оюутан залуус шүлгээрээ өрсөлдсөнөөс МУБИС-ын оюутан түрүүлж алт, мөнгөн шагналын эзэн болжээ. Харин Утга зохиол нийгийн ажилтаны дээд сургуулийн Э.Доржсүрэн, АБөхням нар удаалжээ. Тэргүүн байрыг эзэлсэн Д.Эрдэнэзулайг МОХ-ны дээд шагнал “Манлайлагч оюутан” медалиар шагнасан байна. 1998 оноос хойш хоёр жил тутам зохиогдож буй “Янжинлхам” наадмыг энэ удаа утга зохиол судлаач, шүүмжлэгч Г.Батсуурь, сэтгүүлч, яруу найрагч Б.Баттулга, Л.Баатархүү, тус наадамд хоёр удаа тэргүүлсэн Я.Баяраа нар шүүсэн аж.