Сүүлийн үед хамгийн завгүй ажилладаг хүнээр ШӨХТГ-ын дарга О.Магнайг хүмүүс тодруулаад байсан. Гэвч хөдөө гарч хурга, ишигний засаа идэх завтайгаа байгаа аж. Тэрээр энэ амралтын өдрүүдээр АН-ын зарим залуустай хамт Төв аймаг явж хурганы засаа иджээ. Энэ тухайгаа олон нийтийн сүлжээгээр “Хурга ишиг хөнгөлдөг өдөр юм байна. Сайн гэхээр нь идлээ” гэж хийсэн ажлаа бас танилцуулахаа ч мартаагүй аж. Мөн найз нөхөд нь “О.Магнайтай явж хурганы засаа идлээ, сайн учраас цаадахад чинь анхаараад” гэх мэтээр өөр хоорондоо сонин болгон ярьсан байна. Харин үүнийг сонссон хүмүүс “залуус яагаад хурганы засаанд анхаардаг болчихов оо, яг юунд сайн юм бол оо? О.Магнай даргаас сайн болж байна уу?” гэж асуухаас хэмээн өөр хоорондоо ярилцаж эхэлжээ. Ийнхүү О.Магнай дарга хурга, ишигний засаа яг юунд сайныг ард түмэндээ хэлж өгөх шинэ ажилтай боллоо.