Энэ сарын 11-ний бямба гаригт бүх нийтээр мод тарих өдөр тохиосон. Тэр өдөр Богдхан уулын Богинын аманд Ардчилсан холбооны ахмад гишүүд нэмж мод тарихаар очиход 100 гаруй модных нь 50-ийг сугалаад, хугалаад хаячихсан байжээ. Харин үлдсэн 50 орчим мод нь нахиалчихсан байж. Ингээд тэд 50 модоо дахин нөхөн сэргээж шинээр тариад, энэ сарын 14-нд эргэхээр очтол бүх модыг нь устгасан байсан юм. Улмаар энэхүү байдлыг тэд хэвлэлийн хурал хийн бусдад илчилсэн.  Тэгвэл энэ хэрэгтэй Улсын ерөнхий прокурорын газрын холбогдох албаны хүмүүс танилцаад Эрүүгийн хуулийн 153 дугаар зүйлд заасан бусдын эд хөрөнгийг устгаж гэмтээх, 211 дугээр зүйлд заасан Ойн тухай хууль тогтоомж зөрчсөн гэмт хэргийн шинжтэй үйлдэл гэж үзээд эрүүгийн хэрэг үүсгэсэн байна. Улмаар УМБГ-ын Байгаль хамгаалах журмын эсрэг гэмт хэрэг мөрдөх хэлтэст шалгуулахаар тогтоол хүргүүлсэн аж.