"Ирэхийг чинь хүлээх юм", "Амин хайртай ээждээ", "Аавын эзгүйд", "Хар хархан харц" зэрэг олон сайхан дуугаараа Монголын дууны урлагт мөрөө гаргаж яваа соёлын тэргүүний ажилтан, дуучин Н.Мөнгөншагай анхны бие даасан тоглолтоо хийхээр болжээ. "Амин хайртай ээждээ" дуугаараа нэрлэсэн тоглолтоо тэрээр Монголын бүх сайхан ээж, эхчүүдэд зориулж байгаа юм байна. Энэ сарын 29-нд Бөхийн өргөөнд болох түүний тоглолтын тасалбарыг "Амин хайртай ээждээ" цомог нь дагалдаж байгаа гэнэ.