Ти-Батаарыг холбогдох албаныхан АНУ-аас өнгөрсөн баасан гаригт Монголд авчирсан билээ. Одоогоор олдворуудыг байрлуулах музей байхгүй тул Гаалийн баталгаат агуулахад түр хадгалж байгаа. Батаарыг ирэх сарын 1-н буюу хүүхдийн баяраар олон нийт, жуулчдад дэлгэхээр төлөвлөж байгаа юм. Ингэхдээ Сүхбаатарын талбайд түр үзэсгэлэнгийн байгууламжийг барьж тэнд байршуулан үзүүлэх юм. Тэгвэл өнөөдрөөс Батаарын түр байрлах байрыг барьж эхэлсэн байна. Энэ байрыг Ерөнхийлөгчийн Тамгын газар, хандив туслалцаагаар байгуулж байгаа аж. Түүнчлэн В.И.Лениний музейг Үлэг гүрвэлийн музей болгохоор ярьж байгаа ч өмчлөлийн асуудлаарх шийдвэрээ бүрэн гараагүй байгаагаас хойшлогдоод байгаа юм. Музейн өмчлөлтэй холбоотой шүүх хурал энэ долоо хоногт болно.