Оросын алдарт зөн билигч Фатима Хадуева өнөөдөр Монголд ирж буй бөгөөд 11.00 цагаас MN төвд сэтгүүлчидтэй уулзах гэж байна. Тэрээр Оросын ТНТ телевизээс зохион байгуулдаг 13 дахь удаагийн “Зөн билгийн тулаан” нэвтрүүлгийн шилдэг оролцогчдын нэг билээ.

Тэрбээр Монголын сүсэгтэн олонтой уулзаж, лекц унших гэж ирсэн нь энэ аж. Энэхүү уулзалтыг “Их халуун сэтгэл” ТББ, “Хасmedia” агентлаг, “Тэнгэрлэг буянтан сан” хамтран зохион байгуулж байгаа юм. Лекц өнөөдөр 19.00 цагаас “Улаанбаатар” ресторанд  болно. Лекцийн билетийг шившлэгтэй түлхүүрийн оосор, үнэт чулуу дагалдах аж. Түүнчлэн зөн билигч 2013 он болон ирэх онд монголчуудын хувьд ямар жил байх талаар мэдээллийг давхар өгөх гэнэ.

Фатима Хадуевагийн талаар товч танилцуулахад халуун цэгийн сурвалжлагч, нийгмийн халамжийн сангийн удирдагч эмэгтэй. Тэрбээр Дагестанд өсөж торнисон бөгөөд 2 охинтой. Том охин Алена нь оюутан, бага охин Даша сурагч. Өөрийн эгч нас барсны дараа түүний хүү Ризванаг өөр дээрээ авч өсгөж байгаа халамжит эмэгтэй. Охиных нь багалзуур хоолойг эмч задалснаас хойш буяны үйл ажиллагаа эрхлэх болсон гэдэг. Тэрбээр асуудлыг ямар нэгэн шидэт дохиур хутга, янз бүрийн эд зүйл хэрэглэж, тойруулж найдвар төрүүлэхгүйгээр цонхоор нэвт харж байгаа мэт олж хэлдгээрээ онцлогтой гэгддэг.

Өмнө нь "Зөн билгийн тулаан" нэвтрүүлгийн шилдэг зөн билигтэн Мохсен Нарузы, Мехти, Вит Мано зэрэг зөн билигтэн манай улсад биечлэн ирж байсан билээ.