Сэлэнгэ аймгийн цагдаа­гийн газрын эрүү­гийн тас­гийн дарга, цагдаагийн хо­­шууч П.Өлзийсайханыг ШШГЕГ-ын харьяа цагдан хорих 461 дүгээр ангид уржигдар саатуулжээ. Тодруулбал,  түүнийг бусдад авлига өгч албан тушаал дэвшсэн, олон удаагийн дав­тан үйлдлээр албаны эрх мэд­лээ хэтрүүлэн ашиглаж, бус­дыг айлган сүрдүүлж, ха­хууль авсан хэрэгт буруутгажээ. Тэрээр өнгөрсөн жил АТГ-ын мөрдөн байцаагч Н.Бат-Олзвойтой бүлэг­лэж, бусдыг зодож, дарамтлан эрүү шүүлт тулгасан хэргээр шүүхээр орсон ч прокуророос хэргийг хэ­­рэг­сэхгүй болгож шийдвэрлэж байсан. Мөн П.Өлзий­сайханд албан ту­шаалаа урвуулан ашиг­ласан хэргээр таван удаа эрүүгийн хэрэг үүсгэн шалгасан байдаг. Гэвч гэрч, хохи­рогчдыг дарамтлаж буруу мэдүүлэг өгүүлэх, танил талдаа ав­лига өгөх зэргээр арга­лаад өнгөрдөг байжээ.

Эх сур­валжийн мэдээлснээр про­курорын дэргэдэх мөрдөн байцаах албаныхан иргэдээс ирүүлсэн мэдээллийн дагуу Эрүүгийн тасгийн дарга П.Өлзийсайханыг гурван зүйл ангиар эрүүгийн хэрэг үүсгэсэн аж.