Английн Бирмингем хотод болсон жюү-жицу бөхийн Англи улсын аварга шалгаруулах нээлттэй тэмцээнд Монголын тамирчин А.Мөнхбаяр 64 кг-ын жинд түрүүлж алтан медаль хүртсэн байна. Тэрээр тус улсад амьдардаг бөгөөд удахгүй болох дэлхийн аварга шапгаруулах тэмцээнд оролцохоор үргэлжлүүлэн бэлтгэлээ базааж байгаа аж. Жюү жицүгийн дэлхийн аварга шалгаруулах тэмцээн энэ сарын 27-нд АНУ-ын Лонгбич хотод эхлэх бөгөөд тав хоног үргэлжлэх ажээ. Тус тэмцээнд Монголоос олон улсын хэмжээний мастер Б.Дамланпүрэв, С.Энхзаяа Х.Амартүвшин, Г.Алтанбагана, Б.Сугаржаргал тэргүүтэй 16 тамирчин өрсөлдөхөөр ирэх даваа гаригт Сэм Авгын нутгийг зорих юм. Багийн дасгалжуулагчаар О.Болд-Эрдэнэ ажиллах бөгөөд тэрээр өөрөө эрэгтэйчүүдийн 88 кг-ын жинд өрсөлдөх ажээ.