Японы мэргэжлийн сүмо бөхийн нацү башёгийн 11 дэх өдрийн барилдаанд жюүрё зиндаагаа Монголын хоёр сүмоч макүүчид дэвшин барилдаж даваа авсан байна. Азүмарюү /5-6/ өчигдөр нутгийн бөх болох жюүрёгийн хоёрт эрэмбэлэгдсэн Такаиновад /6-5/ өвдөг шорооджээ. Жюүрёгийн нэгд эрэмбэтэй Тамаваши /8-3/ макүүчид дэвшин барилдаж тавин хувийн амжилтаа үзүүлэв. Ингэснээр долдугаар сард чансаа өсгөх нь тодорхой болж байна. Такаинова ч гэсэн үлдсэн дөрвөн барилдаанаас хоёр даваа авахад макүүчид дэвших юм. Шотэнрү /5-6/ унаж, Кёкүтэнхо /6-5/ даваагаа нэгээр ахиулав.  Оозэки Какирюү/10-1/ гэсэн амжилттай тэргүүлэгчдийг нэхэж байгаа бол сүмогийн 70 дахь аварга Харүмафүжи /9-2/ ээлжит даваагаа авчээ. 69 дэх их аварга Хакүхо /11-0/ нэг ч унаагүй байгаа бөгөөд оозэки Кисэносато түүнтэй адил 11 даваатай байгаа юм. Маэгаширагийн тэргүүн бөх Миёогирюү өчигдөр качигоши хийснээр долдугаар сард комүсүби цолонд хүрэх нь тодорхой боллоо. Жюүрёд барилдаж байгаа манай сүмочдоос Кагамио /10-1/, Ониараши /6-5/, Асасэкирюү /5-6/ гэсэн амжилттай байна.
Өнөөдөр    
Азүмарюү-Тоёохибики
Кёкүтэнхо-Чиёотайрюү
Токитэнкү-Икиой
Шотэнрү-Такаясү
Хакүхо-Какирюү
Кисэносато-Харүмафүжитай тус тус барилдах юм.