Баянзүрх дүүргийн 28 дугаар хороо Хужирбуланд  ухсан нүхэнд 0.5 литрийн ундааны хуванцар саванд хийсэн ногоон өнгийн шингэн бодис булсан байна гэсэн мэдээлэл нийслэлийн Мэдээлэл, шуурхай удирдлагын төвд өчигдөр иржээ. Дуудлагын дагуу тус дүүргийн Онцгой байдал, Мэргэжлийн хяналтын хэлтсийн байцаагчид газар дээр нь очиж шалгахад, 100 гаруй хуванцар савтай зүйл хаясан байжээ.

   Одоогоор хэн ямар зорилготой, ямар учиртай бодис хаясныг тодруулаагүй байгаа аж.  Дээрх бодисоос сорьц авч,  Баян- зүрх дүүргийн Мэргэжлийн хяналтын хэлтсийн лабораторид шинжлүүлэхээр өгөөд байна.

                                                                                                                                 Д.Ундрах /24tsag.mn/