Говь-Алтай аймгийн Хөх Морьт сумын иргэн Ө.Ганпүрэв өнгөрсөн нэгдүгээр сард тус сумын нутаг Товгор гэдэг газраас нэн ховор, Улаан номонд орсон амьтан болох хоёр ч бөхөнг агнасан хэрэг гарсан. Энэ нь улсад найман сая төгрөгийн хохирол учруулаад байсан. Тэгвэл энэ хэргийн шүүх хуралдаан болж, нэн ховор амтан алсан Ө.Ганпүрэвт Эрүүгийн хуулийн тусгай ангийн 203 дугаар зүйлийн 203.2 дахь хэсэгт зааснаар 3 жил 10 хоногийн хорих ял оногдуулжээ.