Солонгосын хамгийн олон үзэгчтэй нэвтрүүлгүүдийн нэг “Оддын хаан”-ыг монголчууд үзэх дуртай. Солонгосын төдийгүй гадаадын өвөрмөц авьяастнуудыг оролцуулдаг уг нэвтрүүлэгт монгол залуу оролцохоор болжээ. “Multicultural Transnational Chorus” хэмээх байгууллагын дуучин С.Гантогоо гэдэг залуу бусад орны дуучдын хамт “Оддын хаан”-д оролцох урилга авсан байна. Тэрээр Солонгосын алдарт Ким Тэ Ү, Сүн Я нартай хамтран дуулж байжээ. С.Гантогоогийн хувьд хоёр сая гаруй хүний дундаас шалгаруулалтаа хийдэг “Super star K-3” шоунд оролцон дөрөвдүгээр шатанд шалгарч байсан ажээ.