Удахгүй болох гэж буй хүүхдийн баярын өдрийг тохиолдуудан Үндэсний дуу бүжгийн эрдмийн чуулга /ҮДБЭЧ/-ын хамт олон Төрийн соёрхолт, УГЗ Г.Бирваагийн хөгжим, Х.Батаагийн цомнол “Ишиг хөөрхөн нэр” хүүхдийн дуулалт жүжгийг энэ сарын 31, зургадугаар сарын 1, 2-ны өдрүүдэд тоглох гэж байна.. Хүүхдийн уран бүтээлийг дэмжих бодлогын хүрээнд хүүхэд багачуудад өөрсдийн ёс заншлаа дээдлэх, тэдний өв тэгш хүмүүжилд нь тус нэмэр болох зорилгоор энэхүү жүжгийг тоглож байгаа гэдгээ тус чуулгын уран бүтээлчид хэлж байна. Мөн баярын өдрөөр үр хүүхдүүддээ барих хамгийн сайхан бэлэг болно гэдгийг ч дурдаж байсан юм. Эх үрсийн баяраар нийт таван удаа тоглох аж.