Сүхбаатар дүүргийн гуравдугаар хорооны нэгэн хотхонд долоон настай А-г гэртээ ганцаараа байхад нь  хүүхдийн нэрэмжит тэмцээнд орооч  хэмээн 25-30 гаруй насны үл таних эмэгтэй гэрт орж,  хулгай хийсэн талаар бид өчигдөр мэдээлсэн. Тэрбээр хүүг хууран мэхэлж гэрт нь орж бриллиантан шигтгээтэй цагаан алтан ээмэг, бөгж, гинжний хослол, монетон ээмэг бөгжний хос, мөн монетон ээмэг, бөгж, кулон, бугуйвчны хослол, халтар манан хөөрөг зэргийг нь хулгайлан одсон юм.  Тэгвэл гэмт этгээдийг олоогүй байгаа бөгөөд хүүгийн гаргасан ам зургийн дагуу эрэн сурвалжилж байгаа талаар цагдаагийн байгууллагаас мэдээллээ. Мөн гэртээ ганцаараа ихэнх цагийг өнгөрөөдөг хүүхэд хийгээд, харуул хамгаалалт муутай байрыг хулгайч нар отож байгаад хэрэг үйлдэж байгаа аж. Тиймээс тэдгээр хүмүүсийн хэргийн золиос болж эд материалаараа хохирохгүй байхыг цагдаагийн байгууллагынхан анхааруулж байна.