“Дижитал” хамтлагийн ахлагч Ш.Батбаяр буюу Бааварт холбогдох шүүх хурал өглөөний 08.30 цагт эхэлж, хэвлэлийнхэнд хаалттай үргэлжилсээр өндөрлөлөө. Хуралд даргалагч шүүгчээр Г.Есөн-Эрдэнэ, улсын яллагчаар Ж.Ганцэцэг нар оролцлоо.  Ш.Батбаяр болон түүний хамсаатан Т.Алтай, Г.Адьяасүрэн нарын гурван хүнд холбогдох хар тамхи хэрэглэсэн, бусдад худалдахыг завдсан хэргийг   Чингэлтэй дүүргийн шүүхэд хэлэлцээд  Т.Алтайд долоон жил, Ш.Батбаяр буюу Баавар, Г.Адьяасүрэн нарт гурван сарын хугацаанд баривчлах ял оноосон байна. Ингэхдээ Бааварын өмнө нь цагдан хоригдсон болон эмнэлэгт хэвтсэн хугацааг ял эдэлсэнд тооцож, гурван сарын хугацаанаас хасахаар болжээ.